Ko ča se vidi z naslova sva san va gunsimi! <3
Samo da prvo rečen par riči o tomu ča je bilo i ča će bit otkad me ni!
Dakle, škola je po školski.
Bespotrebno gubljenje vrimena, kako bi se reklo.
Mislin stvarno, va osmon razredu smo kvarat ure na engleskon zgubili na ponavljanje riči za nastavnicun. -.-""
Moj brat va trećen razredu to ne dela. Hm. Doduše, to bi mu i rabilo, ali sad to nema neke veze z temun.
Iiiiiiiiiiii, ča još?
Aha da!!! PA KAKO SAN MOGLA ZABORAVIT?!!!!
GREN NA BON JOVIA VA ŠESTON MISECU!!!! 
JEEEEEEDVA ČEEEEKAN!!!
Bilo je to tako da san va okeju (okej to mi je rekla mia), pročitala da dolaze va Zagreb i ja to ono usputno spomenen tati (za one ki ne znaju, tata mi je ono, pravi roker, sluše bon jovia, gunse, itd. i svira gitaru), a on ono, "Biš šla?" "Bin!" "Bi tvoje ludare šle?" (z nekog razloga si ih zovu "mojimi ludarami" a to su moje najbolje prijateljice) "A da kako!"
I tako gremo na Bon Jovia, ako njih roditelji puste.
A, ako ne, onda gremo samo ja i tata.
To će bit tulum! XD
A sad malo normalniji (za mene baren) nastavak.
KAKO JE MENE TRTA SREDNJE!!!!!
Majke mi ja neznan ča ću sama od sebe.
Neki dan mi je prijateljica gatala (cura to sudeći po tomu da mi je prošlost rekla skroz točno, valjda stvarno zna) i rekla mi je da će mi školovanje bit totalno sjebano. Ma jej.
I tako da san se predomislela od jezične gimnazije o koj tupin već dvi-tri leta.
I ČA DA JA SAD DELAN??!!!
A bo.
Imeli smo nikakovo predavanje o pomorskoj školi i stvarno mi se dopal smjer za logistiku i špediciju.
I to zato ča nakon toga se moren predomislit i poć za, neznan, odvjetnika ili ki vrag. A i ne moran nego moren delat va struki.
A nemoran bit na brodu (trta me je brodih odkad san gljedala Titanic, a Ralje nisu baš pomogle mom strahu od morskih pasih. Ča je ironično s obziron na to da živin praktički na moru. Deset minuti. Sila.), nego dela na kopnu.
I prijevoz je organiziran za tu školu.
A tu je opet problem to ča neznan apsolutno nikoga.
A ja ne da iman problemih z upoznavanjen novih ljudih, aš stvarno moren pripovidat z dicun o 2 i starcimi od 82 bez problemih, nego me strah da ću zaboravit stare. Mislin, ča ako zaboravin se ča je bilo? Se ča smo skupa prošli?
Smihe, plače, dobro i loše?
Bi se to moglo dogodit?
Iskustvo mi veli da bi.
I da će.
A tu je i druga opcija, Crikvenička gimnazija.
Gimnazija. S tin san niš, dok ova druga daje bar neku vrstu sigurnosti...da moren nać delo i ako ne upaden na faks.
Tamo znan se puno ljudih.
Ali ih većinu ne volin, a moje najbolje prijateljice, nemaju pojma ča bi od sebe.
Jedna oće za web dizajnera (wtf je to?!!!) a druge dvi ni ne razmišljaju.
A ja se ne želin rezdvajat.
I kako bin pobogu tribala prit do Crikvenice??? Busi su skupi ko sam vrag.
I tako, sad se vi vjerojatno pitate, je ova blesava Bella totaalno skrenula dokle je ni bilo na blogu? Zač je stavila ovakov naslov kad to nima veze s temun.
E, vidite, zapravo ima.
Čini se da će samo vrime pokazat ča će bit od mene, a za to triban jedino strpljenji.
Vaša (sakin danon se luđa i luđa), Bellica.
Iz naslova se vidi ča san ja.
inače moj je pravi blog na undefinedundefined adresi, ali san zaboravila i lozinku i se skupa, pa ću sad bit na ovomu malo za promjenu -.-"
Jutra (ako ne budan va kazni, danas su informacije) ću napisat PRAVI post i se sredit, pa će valjda opet se bit okej.
Gren se bavit potragun za dizajnimi.
